منتديات زهرة السوسن

عالم بدون حدود من المتعه والصداقه والمعرفه
 
الرئيسيةالتسجيلدخول

شاطر | 
 

 عاوز تتجوز..؟ أدخل اتعلم من أول طريق الخطوبة

اذهب الى الأسفل 
كاتب الموضوعرسالة
أهاات

avatar

عدد الرسائل : 164
نقاط : 303
تاريخ التسجيل : 29/08/2010

مُساهمةموضوع: عاوز تتجوز..؟ أدخل اتعلم من أول طريق الخطوبة    الأربعاء أكتوبر 20, 2010 9:29 pm






في الحقيقة الاخ اسامة عبد المحمود صعب عليا اوي لأنه عاوز يتجوز مش عارف وبصراحة دورت له على موضوع خاص جدا

فلقيت موضوع قمة في الروعة والجمال


هي عبارة عن دروس في الحياة علشان يتعلم آدم ازاي يتجوز


فتيجوا نشوف ايه هو الموضوع


تعالوا اتفضلوا معايا


عاوز تتجوز..؟ أدخل اتعلم من أول طريق الخطوبة



أعتقد أول خطوة بتكون أن تسمع



الأول: يا باشا فية عروسة ليك كويسة جدا


انت: طب انت تعاملت معاها و حسيت انها كويسة


الأول: مممممم حقيقتا أن سمعت عنها وأهلها ناس طيبيين


أنت: طب أنت تعاملت مع الأهل كتير



الأول: أنا شفتهم مرة و سلمت عليهم وهم جيران وشكلهم ناس زى العسل


أو انك ترى بنت فيشدك ليها أى شئ وتفكر أنك تفكر فى أن تجعلها أميرة حياتك


وصراحتا أقترح أن تتجرأ وتقوم بالخطوة التالية لأن ممكن احتمال يعنى....


تكون هى دى جنة الله فى الأرض كما وصف رسول الله (صلى الله عليه وسلم) الزوجة الصالحة


فلا تضيع الفرصة منك لأنك حاسس ببعض القلق لان الفرص لا تأتى كثيرا لكى تجد بنت كويسة



ولو ضاعت منك الفرصة دى ستندم بعدين و تقول ياريتنى ياريت




الخطوة التالية:



أرى إن الخطوة التالية يجب أن تكون الاستخارة اليومية و تكون الاستخارة قبل أن تعمل أى حاجة


بالنسبة للبنت ثم استخارة يومية لأن صراحتا بيكون الواحد يقسم بأن دى أحسن بنت فى الدنيا


و ملاك يمشى على الأرض ثم يعمل استخارة و تانية و ثالثة فيظهر أمامة حقيقة الأمر .. عوووووووووووووووووو



و صلاة الاستخارة مش حيجيلك فى الحلم حد يقولك تزوجها أو لا تتزوجها ...


صعب موضوع الحلم دة .. هو ممكن بس لا تعتمد علية خالص


أعتمد انك دعيت ربنا السميع وقلت يا رب لو خير ساعدنى أكمل و لو شر فلا تجعلنى أكمل


ثم توكل على الله كليا وحط فى بطنك بطيخة لانك توكلت على الله وهو لن يضيعك أبدا أبدا



فلو خير فمبروك عليك ألف ألف مبروك لقد وجدت جنة الله فى الأرض بتوفيق من ربنا


و لو شر فالموضوع هيبوظ لوحدة والحمد لله على سلامتك يا بطل


كنت حتلبس فى الحيط قوم بسرعة صلى صلاة شكر ان ربك أنقذك ..


أنا عارف أنك ستكون زعلان ..بس ألم ساعة ولا ألم كل ساعة ... هو لا يكون صراحتا ألم ساعة ..


هو بيطول شويتين تلاتة أربعة .. بس أحنا شباب بيعدى فى الحديد .. سأتكلم كيف تنسى هذا الموقف بس بعدين





رايح فين يا اسامة انا لسة مخلصتش استناني





الرجوع الى أعلى الصفحة اذهب الى الأسفل
أهاات

avatar

عدد الرسائل : 164
نقاط : 303
تاريخ التسجيل : 29/08/2010

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    الأربعاء أكتوبر 20, 2010 9:51 pm






عادتا تكون أول خطوة صريحة من الرجل




الرجل يصرخ



يصرخ ( يا جماعا أنا عاوز أتجوز....حد شاف عروسة بنت حلال بالمواصفات التالية1- 2- 3- " ويعمل اعلانات فى كل حتة


فيأتى أهل الخير بالبشرى والأخبار أنهم يعرفو بنت حلال بمعظم المواصفات المطلوبة


فيذهب الرجل ليرى بنت الحلال


أما بالنسبة للبنت فتعلن أمها ان بنتها أصبحت عروسة وتذكر فيها كل المواصفات الجيدة وتحاول ألا تذكر أى عيوب أو تشتكى منها



فيسمع أهل الخير والبشرى بذلك فيبحثو عن شخص مناسب لها لانهم بيحبو الأفراح وادخال السعادة على البيوت





بالنسبة للبنت فلا تذهب لتبحث



فهى أميرة مصونة .. أعزها الاسلام .. تتقرب من الله والله قادر انة يأتى لها بأحسن الرجال راكعين على ركبتهم لانها أحصنت نفسها


يمكن يراها الرجل فى الشارع أو فى أى مكان فيزرع الله فى عقلة الاعجاب و ويجعل قلبة يدق بقوة


لاتجعلة يعرف ينام فيذهب ليسأل عنها و يدخل من الباب

و هو مستعد يبوس الأيادى للحصول على هذة اللؤلؤة المصونة





لاحظو يا اخواتى ان الشيطان لا يأمر الانسان المؤمن بالزنا مرة واحدة ولكن الشيطان بذكاء يقول حتتعرف منين يا شاطر على بنت وأنت لا تكلم بنات فاذا كلم بنات ستكون هذة بداية طريق للمعاصى أخرة النار




لذا يقول الله (( ولا تتبعوا خطوات الشيطان )) لأن الشيطان ياخذنا خطوة خطوة


أنتي عايزة واحد متدين ولا واحد غير متدين


والله يا أخت الرجل اللى يجد شئ ببلاش لا يفكر انة يدفع فلوس فية


ولو مكتوب لك الجواز بعد سنتين فلن ترى الا ما كتب الله لك


أعلم ان الصبر صعب ولكن يوفى الله الصابرين أجرهم بغير حساب


ألا تريدى أن تدخلى الجنة بغير حساب




بالنسبة للقاء الأول




عادتا بيكون فى بيت العروسة أو فى أرض محايدة مثل بيت أحد المعارف أو مطعم أو نادى و بيكون طبعا بتواجد أهل العروسة و العريس


يجب أن يكون عائلة العروسة أذكياء بأن يدعو مجال ان الولد يفتح حديث مع البنت .. فى تواجد العائلتين طبعا معهم ..


لانى حضرت مثل هذة اللقائات و بيحصل حاجات غريبة


العائلتين بيسخنو فى الكلام خصوصا مع وجود النساء و لو كانو أصدقاء و يبدأو يتذكرو أيام زمان و أية اللى كان بيحصل و مين راح -الله بتتكلمى جد- ومين مرحش - يا سلام - وياك ياك ياك ياك ياك ...


ضاعت عليك الساعتين المسموح بيهم يا عريس .. روح على بيتكم ههههههههههههه




سأقول لكم أفضل سيناريو





أولا فى قاعدة عظيمة و مهمة بتقول "الانطباعات الأولى تدوم"


و تانية بتقول "خش مش همك تظهر بانك كويس حتى لا ترتبك و تتنيل بستين نيلة خش كانك مش مهتم تثبت نفسك"



ثالثة "بص يا بطل مسموحلك بحد أقصى 3 زيارات تكون كونت فيها رأيك علشان دخول بيت الناس و الخروج و مقابلة بنتهم من غير أى نوع من الارتباط مش بسيط فبعد ال 3 زيارات

(نقول الواحدة منهم ساعتين أو تلاتة) فينتظر منك أن تقول موافق و أريد أن أخطب بنتكم أو تقول الكلمة


اللى لو ذكرت فى أى محادثة تكون هى النهاية ...


طبعا انت عارف أية هى الكلمة ....الكلمة اللى لو وضعت فى جملة مفيدة ستنهى بها أخر لقاء ... الكلمة هى "الجواز قسمة ونصيب"






اذن الخطة كالتالى



عايز أستفيد من كل دقيقة لمعرفة هل الطرف الأخر هو ما أريد أم لا


اذن لا تضيع وقت فى حاجات ملهاش لزمة .. طب تعمل أية


تكون كاتب أية مواصفات البنت (أو الولد للبنات) اللى أنت عايزها بالضبط على ورقة


مثلا:



أنت عاوز وحدة تقويك فى الدين و تجعلك تقوم الليل و تصلى الفجر و تخرج جزاء من مالك صدقة و تبر أمك و أبيك و تحفظك و تحفظ بيتك و ترضيك





كل اللى فات معناة بنت .... متدينة ....




أنت حساس شوية للكلام مبتحبش حد يبرطم فى الكلام و يغلط



معناة بنت عندها زكاء أجتماعى ومؤدبة




أنت ولد طول عمرك مع ولاد كل خروجاتك مع ولاد ...كفاياااااا...


أنت عايز حاجة مش موجودة فى أصحابك





معناها بنت رقيقة




أنت عايز واحدة توافق انها تكون ربة بيت ...

مستعدة تعتنى بك و بالبيت و فهمة الواجيبات بتاعتها -


والله أنا أعرف واحد بعد مأتجوز مراتة قالتة أنا مش شغالة عندك أنا لا أطبخ و لا أكنس و لا أمسح


أنا قلت لك قبل الجواز كدا--- العب--




طبعا التحفة دة لم يكن مركز فى الكلام قبل الجواز و كان متخيل انهم جابولو بنت يلعب معاها ثم بووووووم .. أنت أتجوزت يابابا -




اذن أنت عايز وحدة ربة بيت و فهما انها ستكون محور البيت كلة وأنها عليها شغل البيت







وبرده لسة في تاني يا اسامة انا لسة مخلصتش استناني شوية صغيرين






الرجوع الى أعلى الصفحة اذهب الى الأسفل
أهاات

avatar

عدد الرسائل : 164
نقاط : 303
تاريخ التسجيل : 29/08/2010

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    الأربعاء أكتوبر 20, 2010 10:24 pm




بص يا اسامة هو الموضوع طويل شوية بس صدقني


الموضوع جميل جدااا ومفييييييييد جدا جدا فارجو انك تمشي معايا للأخر


وياااا رررررررريت بلااااااااااااااش ملل من الجميع يعني متملوووووووووووش وتمشوا

وتسيبوا الموضوع وتخرجوا لأنه بجد الموضوع مفيد جدااااا جداااا للشباب والبنات


استني معانا يا نور لو سمحتي



يله نكمل الفلم يييييييييييييييه

اقصد يله نكمل الموضوع هههههههههه





اتفضلوا





وانت عليك مواجهة العالم الخارجى و حماية البيت و تحول بيتكم الى جنة


أنت عاوز واحدة أهم حاجة عندها أسرتكم المستقبلية أهم من أسرتها الحالية و أهم من وظيفتها


أنت عاوز واحدة مستعدة تسمع كلامك واذا أختلفتم و لم تقنع أنت برأيها بعد الحوار فيجب أن يكون هناك سائق واحد فى البيت للسفينة


أنت عاوز واحدة مستعدة تتجوز لانك لو أخدت وحدة صغيرة جدا فغالبا ستحب هى أن تستنى لحد

ميجلها الواد الفت النت الست البت ولو عملت أية فستجدها مش طلبة معاها تتجوز ساعتها
وهكذا


ثم أبدأ تحويل كل هذة الصفات الى أسئلة ذكية - يا رب هب لنا الذكاء - غطى السؤال بطريقة ذكية و ضعة فى هدية جميلة ورقيقة وأعطه لها


لاحظ انك بتكلم بنت متعرفكش فاذا سألت بأسلوب حمار بينهق - لموأخذة يا باشا مش قصدى حاجة والله- ستخسر لأنها لا تعرف انك انسان كويس مبيعرفش يسأل صح


واذا سألت بأسلوب الرجل الذكى ستضع أنطباع أولى عليك ممتاز


و كذلك الكلام بالنسبة للبنات


فأجعل كل دقيقة هى دقيقة فعالة لمعرفة الطرف الأخر أكثر


أنت هناك لهدف فلا تتشتت



الى البنات: أنا وضعت فى هذة الرسائل كل ما يبحث عنة كل رجل فمن الجميل ان فعلا تتسمن بهذة المواصفات





مهم جدا تعرف انك بعد هذة اللقاءات انك عندك الحرية التامة بأن تقول انك غير موافق


فعادتا الواحد بيخاف أو بيتكسف انة يقول أنا مش عاجبنى شخص معين


بس لو نهيت الموضوع بدرى أحسن بكتير لو أستمر أكتر ونهيتة متأخر بعد ميكون تعبت نفسك وأهلك فى مقابلات و تكاليف


فية مثل بيقول تنهى الجواز قبل الخطوبة أحسن من بعدها و بعدها أحسن من بعد كتب الكتاب و بعد كتب الكتاب أحسن من لو كان عندك أطفال


ففى شباب كتير مقتنعين أن الطرف الأخر غير مناسب البتة ولكن خايفين يجرحو أحد بقولهم هذا ..


والله الجرح فى دلوقتى أخف مليون مرة عن بعدين فانت كدة بترحم الطرف الأخر وأهلك و نفسك من الألم



ولكن خلى بالك ... مش حتلاقى حد كامل ... مستحيل...


ولكن ممكن تأخذ شخص مش كامل و تبنى معاة اللى ناقص فبذلك ستشاركة فى حياتة و ستكونة كما تحب ولكن يجب أن يكون عندة أستعداد كامل و قد قرب فعلا إنة يكون كما تحب ولكن لا تنتظر لشخص كلة صح لأن ....


ممممم عارف الغباء .. أهو دة بقا عين الغباء أن تتخيل وجود شخص كامل ... دة فى الجنة فقط يا بطل


و خلى بالك فقد تغلط غلطة شهيرة وهى انك تجد الشخص عنده أستعداد كبير أنة يكون ما تحب ولكنك تقول

( ممممم أستنى لعل و عسى يجى حاجة احسن .. أنا ممكن أستنى شوية )


لا يا باشا عدد الكويسين قليل جدا فاذا وجدت أحدهم فامسك فية باديك وأسنانك فوالله لو فرط فى نعمه أعطاها لك ربنا فستعض أصابع الندم




فى اللقاءات مع الطرف الأخر اذا سؤلت ماذا تريد أن تشرب فلا تطلب عصير مانجو ..


أنا عارف أنت بتحب المانجو جدا ولكن لو المانجو جتلك قطع كبيرة فى الكوب فستضطر أن تفتح فمك بشكل لا يليق و ستجد المانجو يدلدل من فمك و حتغرق القميص بالبنطلون بالشراب



ولا تطلب شئ يسيح مثل الأيس كريم لانة بيسيح و يصبح شوربة أيس كريم وأنا عرف أنك ستحب أن تشرب هذا الأيس كريم السايح بس ... ممممم... مش الأن ..

ممكن مع أصحابك الأعزاء


و لا طبعا شئ بارد الا اذ كنت تحب أن تشرب الشاى البارد


ولا تطلب أكل فية لغوصة كالسمك أو اللحوم وأنت مش جاى تغذى جسمك وأنت لا تريد أى شئ يزيد من توترك


حاول تروح وأنت نايم كويس و فايق علشان أحنا أتفقنا ان كل دقيقة فى اللقاء مهمة







سنتكلم الأن عن موضوع مهم جدا و جوهرى و هو الحب قبل كتب الكتاب


الشاب بيكون مليان بمشاعر فياضة و أحساس بالحاجة أنة يكون مع النص الحلو


ففور ما يرى البنت يحبها على طول و ميضيعش وقت


و هنا بقى مشكلة عظيمة


الشاب يجب ألا يحب قبل كتب الكتاب ... ليه؟؟؟



قبل كتب الكتاب أنت شخص غريب عليها و الرابطة اللى بينك و بينها ولا حاجة يعنى ممكن فى مكالمة بسيطة أبوها يتكلم و يقولك أنت ولد مجبتكش ولادة بس شكرا جزيرا مش عايزين النهاردة ...


طب اية اللى حصل يا عمى ...


و الله يا أبنى الفسافييس مكنتش مظبوطة و حصل حرقان فى المزلئان وأى كلام فى أى عبط ...


طب و بعدين ... انت بقى الأن فى مأزق ... أنت مش انسان ألى ... لا يمكن أن تضغط على الزرار فتجد نفسك لا تحبها ... و حتحس بدمار نفسى رهيب


عندما تحب ثم ميحصلش نصيب بيصبح جزاء من قلبك للبنت اللى حبتها وراحت ثم تاتى غيرها


فتعطيها جزاء من قلبك و جزاء من زكرياتك فعندما تأتى زوجتك اللى مكتوبة لك فعلا فسيبقى لها جزاء ولكن هى من حقها أن يكون كل قلبك لها وكل عقلك وزكرياتك لأنك تريد كل قلبها لك


و هناك أسباب أخرى كتيييير ... أنا عارف انك نفسك و حتموت انك تحب ... مين منفسوش ... بس أصبر ... كل شئ محتاج تخطيط و كما يقولون fail to plan plan to fail


هل تصدق ان الحب دة انت بتقنع نفسك بية وانك تقدر تتحكم فى ولادتة .... هل فكرت ازاى الانسان بيحب؟


يكلم الرجل نفسة "شفت عينيها عاملة ازاى ... شفت رقتها عاملة ازاى... فاكر الحركة والموقف الفلانى"


و يترك نفسة يرقص مع خيالة و ينوم نفسة مغناطيسيا حتى يقنع نفسة انة بيحبها ويقول انة بيحبها ويردد الكلمة فتلاقى قلبة اضطرب و بووووووووووم أصبح بيحبها فعلا



ولكن الحب هو تبادل للمشاعر ...

يعنى الاثنين بيحبو بعض و النوع دة قوى جدا بقوة الحديد


ولكن الحب من ناحية واحدة دة مش حب .. دة اسمة مرض قد يقتل و يجنن و يذل صاحبة و يمسح بكرامتة الأرض


و يخلية ضعيف ولا يساوى جنية وربع ودة يجعل الطرف التانى يجرى ويهرب منك كانك عفريت


ودة يجرنا الى موضوع تانى مهم جدا هو الأهمية القصوى لضبط توقيت الاصراح بالحب للطرف الأخر


القاعدة بتقول "لو قلت لوحدة بحبك وهى معنهاش أى فكرة عن مشاعرك أو كانت لا تكن لك أى مشاعر حب فاعلم انك قتلت أى فرصة مستقبلية أن تجعلها تحبك"
لية بقى؟


لانك بقولك بحبك بتحسسها أولا انها مطالبة انها تحبك و هى ستحاول تضغط على نفسها و لكنها بتضغط على فراغ فتجد نفسها مضغوطة فتقولك الكلمة المشهورة طحن "صراحتا أنا مكانش عندى أى فكرة انت فاجئتنى"


أعرف ساعتها ان مفيش حل فحبها اما أن يطلع بشويش حبة حبة لحد متلاحظة فى نظرات عينها "والله ستلحظة ساعتها فى نظراتها وحركتها"


أو انك تضغط عليها لتقولك بحبك فساعتها كما يقول المثل "انسى يا عمر" فلن يظهر حبها لك ولا بالطبل البلدى


فالانسان بيحب الحاجة الغالية و مش متاحة على طول بسهولة ... بس انت قلتلها خلاص انك بتحبها فهى مش محتاجة تحبك لانها فعلا حصلت عليك



الواحد منا بيكون داخل و عايز يحب لانة عندة مشاعر عظيمة مش عارف يوديها فين فيجد الطرف الأخر أمامة فيقولة "خدها ... خد مشاعرى و حبى"


بس التانى مش عايز .. انت مين أصلا يا سيد ... و لانة لو أخذها فيجب أن يعطيك مشاعرة و هو ليس مستعجل


فاذا لم تستطيع التحكم أن تكتم حبك حتى الوقت المناسب ستدمر نفسك و تدمر العلاقة اللى كانت حتحصل



و أنا لاحظت حاجة بس أنا مش متأكد من صحتها ... الولد بيحب بسرعة قبل البنت كانة ماسك قلبة بيدة و مستنى انة يعطية لأحد و لكن البنت لا تحب بسهولة خالص و لا حتى بالطبل البلدى


فهى تقيلة تقل يشل المشلول



ولكن عندما تحب فعلا فهى تحب بضمير و بكل كيانها و بتحب بقوة أكبر من الولد


و يظهر حبها فى لمعان عينها و نظرتها و تلاقيها على طول متنحالك و فى تصرفاتها فأعرف ساعتها انك كسبت حاجة غالية قوى و صعبة الحصول عليها





حاجة تانية



فى أى وقت يقال لك شكرا لخدماتك و مش عايزين جواز

فأخرج باسرع وقت من الموضوع كلة بسرعة البرق و بطريقة جنتل و بكل ذوق و أدب



لان كل الطرق هنا بالذات تؤدى لروما (يعنى كدة كدة الموضوع انتهى ... لا رجوع و لا يمكن تصليحة وعوضك على ربنا)



فأخرج بجنتلة و بسرعة و بدون أخطاء أو نرفزة حفاظا على كرامتك لانك الأن ستكون فى منطقة كلها أشواك



فلو عملت فيها عم المنتقم حتلبس فى الأشواك و ستندم على أى كلمة غضب أو توسل قلتها ...

والله
أعمل فيها عم الجنتل اللى ميهموش المبتسم و حاول تقلل من كلامك و ارجع بظهرك بشويش .... و شكرا





طب انا عندى سؤال ليكم يا شباب و أتمنى أن تردو قبل مأحس انى قاعد أتكلم فى الصحراء ...
كتير بينجرح و قلبة بيضيع على طريق الخطوبة


فازاى الواحد يقدر ينسى و يشفى من الألم بسرعة


(من غير طبعا أستخدام الانتحار أو انة يمشى فى شارع الأوستراد السريع وهو مغمض أو يشرب 4 كيلو صبغة يود أو يروح يبوس الأسد أو يحاول يتفسح جنب بيت الريس والكلام اللى مبيجبش نتيجة دة)هههههههههه



على فكرة المشاركة ببلاش ... و لمدة محدودة ... خصم لجميع الأعضاء ... أغتنم الفرصة






معلش استحملوني شوية


لحظة وهرجع لكم تااااااني






الرجوع الى أعلى الصفحة اذهب الى الأسفل
أهاات

avatar

عدد الرسائل : 164
نقاط : 303
تاريخ التسجيل : 29/08/2010

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    الأربعاء أكتوبر 20, 2010 10:58 pm





المحادثة دى قد تحدث أثناء التعارف اللى قبل الخطوبة (سواء تعارف بشكل دينى أو لا)




الولد: لو أعطيتك قلبى هل حتحفظى علية (يعنى أنا أحبك)


البنت بتكلم نفسها: أية دة ... حيكون معايا قلب ... دة شئ جميل ... بس أنا لا أحب هذا الولد فعلا ...


مش مشكلة .. أعتقد ان الجرح مش حيكون عميق لو بعد شوية قلتلة مش عايزين النهاردة ... ومش عارفة بعدين حيحصل اية


البنت: طب أدينى وقت أفكر ... فيسلم الولد قلبة للبنت... البنت تأخذ القلب و تضعة فى جيبها
الولد عمال حبة يسيطر على حياتة



بعد كام شهر ...


الولد:هل قلبى وصل لقلبك ولا لسة فى جيببك (يعنى هل أنا عندك مثلما أنت عندى)



البنت بتكلم نفسها ... أسيبة يمشى بس كدة سأخسرة و ربما يغلى بعد كدة ... أقولة انى لا أحبة ولا أية... لا بلاش ... وكمان أنا حاسة بحاجة جوايا بتحصل فيمكن أحبة بعد شوية


بعد شوية ...



البنت: والله أحنا قضينا وقت ظريف و أنت ألف مين يتمناك أو ألفين بس


أنا كنت مستنية اشارة من السما واللى كنت حاساة جوايا دى كانت معدتى مش قلبى و أنا عندى أسباب أى كلام و أسباب أخرى مش فهماها و شكرا ... خد قلبك


الولد يحاول يشد قلبة منها بس قلبة شابك فى البنت مش عايز يسبها


البنت تمشى معاها قلب الولد و الولد ماسك فى قلبة بيحاول يشدة و الولد مجرور على الأرض


تمشى البنت و القلب معاها و هى مش عارفة و مش مهتمية أن الولد أصبح على الأرض بدون قلب ولا كرامة غرقان فى طين نتيجة الجر اللى حصل و أصبح الولد شبة أنسان و شبة عايش


البنت ممكن متكونش غلطانة (بس اللعب بالمشاعر أسوأ من اللعب بالنار) و الولد يمكن ميكونش غلطان


• طيب ... الولد دة حلة أية؟


• اية اللى ممكن يخلى البنت ترفض عريس متقدم لها و تقول لا؟


• اية اللى يخلى البنت تعجب بعريس و تقول موافقة؟


• هل الفلوس فعلا مهمة جدا فى الزواج لدرجة ان لو كل حاجة كويسة بي فية ابتلاء فى الفلوس بتبقى تساوى ان مفيش حاجة كويسة؟


• على أى أساس تقيم البنت العريس ... أية معادلة التقييم؟


• متى تعتقدى أفضل وقت للتصريح بالمشاعر فعلا بين العريس و العروسة (ولا متأخر ولا بدرى)؟


• أزاى الشاب المتدين اللى مليان مشاعر لم تستخدم من قبل يستطيع التحكم فيها لما يرى أمامة بنت و هو متقدم لها و أزاى يقدر يكتمها حتى الوقت المناسب؟


• لية الزواج بيبدأ سعيد و بعدين ... يصبح مش سعيد؟


• لية المشاكل الموجودة فى الزواج الأن اللى بنسمع عنها دى ... هى كل الناس مريضة نفسيا؟
• ازاى يفضل الأثنين المتزوجين بينهم حب طول الوقت؟




الراجل قال رأى و زوجتة لها رأى أخر ... و مش عارفين يتلاقو فى منطقة محايدة ... الراجل المفروض يعمل أية و الزوجة المفروض تعمل أية لو خلاص مفيش حل وسط ومحدش عايز يتنازل


مثلا.... يا زوجتى العزيزة ألبسى الحجاب ... لا مش هلبسة أبدا... طب الراجل يعمل أية الأن


عايزة فستان جديد أروح بية مناسبة ... طب حقيقتا الفلوس ...ممممم ... أنت عارفة معييش فكة ... ولا مجمد ... لا أنا عايزة عايزة عايزة


الراجل عايز يمين و هى عايزة شمال و مفيش تنازل


لو ضاعت المودة والرحمة .... طب و بعدين .... حى أدوها أزاى ... كل يوم فول فول فول




و من هنا يصبح الجدار سميك بين الأثنين (طبعا دى أمثلة سمعتها من ناس المتجوزين وكانت سبب مشاكل بينهما لان الأثنين معرفوش يوصلو لنقطة تلاقى)



لو حد فهم حاجة من اللى أنا كتبتة دة يبقى يجاوب ... لانى مش فاهم أى حاجة


و لو حد تكرم و شرح البنات بتفكر أزاى وأزاى مشاعرها بتتحرك ... هاخد كلامة و أبروزة و أعلقة على الحائط ... لأنى كدت أقسم ان مشاعرهن موجودة فى أقاصى أعماق الكون ( حلوة أقاصى دى ... دى أعتقد جمع أقصى ... ما علينا) و الوصول اليها صعب جدا .. الا من رحم ربى




أنا كل اللى كتبتة هنا دى نصائح غالية جدا لان فى ناس عرفوها بعد معملو عكسها بالظبط


أنا رأيت عدد كبير من البنات بغرض الزواج و ربنا بيكرمنى انى فى الروية الشرعية للبنت أكتشف الكلاكييع اللى ميانيين بيها


فكلهم متربيين على الأخلاق و لكن محدش عندة فكرة يعنى أية زواج و زوجة وفى كمية أمراض نفسية فى البشر دى يا أخى؟


فى سؤال مهم عايز أسئلة لكل القراء


عرف لى ما معنى الزواج ... ما معنى زوجة و ما هى مؤهلاتها (سؤال للبنات)... و ما معنى زوج (سؤال للشباب) بالتفصيل ؟


عارفين .... ستجدو الأولاد يعرفو يقولو ما معنى زوجة و لكن لا يعرفو يقولو مع زوج و ستجد البنات يعرفو يقولو معنى زوج و لكن لا يعرفو يقولو معنى زوجة الا من رحم ربى


أنا أكتشفت ان معظم البنات اللى شفتهم -عادا تقريبا واحدة منهم فقط- مش عارفين اجابة السؤال دة؟

يعنى هم متقدمين لشغلانة زوجة و مش عارفين حيعملو أية فيها خالص ولا عندهم أدنى فكرة علشان كدة بتفشل الشركة دى و الكل بياخد مرتبات غير مرضية و بيطلع غير مبسوط




وجدت بعض البنات بتقول ان لو ضغط أبو وأم العروسة على العريس فهذا مش مشكلة العروسة وان دة خاص بالأب والأم


وأجدها تقول انها عايزة شبكة ألماظ زى أصحابها و شقة و عربية جامدين موت كانها جالها مصباح علاء الدين أو المتقدم أبن رئيس الجمهورية و مش ولد لسة بادى حياتة


و أجدها تقول أنا عايزة ولد شيك و أستايل


والكلام دة يجعلنا نتوقف و ننظر أن لو أن أى بنت فعلا بتقلد أصحابها بدل متقلد الصحابة


و بتحب الدنيا لدرجة الأهتمام بمتاعها بالطريقة المذكورة


يبقى فعلا فية مشكلة كبيرة فى الدماغ .. و خطيرة و مرض متحكم فى روح و تفكير البنت


طب لو البنت وجدت أن الشخص المتقدم مناسب و لكن أهلها مغرقينة مطالب ... هل تنزل تجيب فشار و تجلس تتفرج و تقول دة شغل بابا و الشغل دة جاى على مزاجى و مليش دعوة


طب أفرضى الولد كويس جدا ولكن لا يستطيع أن ينفذ كل المطالب دى... البنت بردو ملهاش دعوة
كأن الولد يقيم كليا بالفلوس ؟؟!


أنا شايف ان الموضوع دة خاص بالبنت فهى اللى حتتجوز و ممكن تقول أنا مش محتاجة كذا
( وجعل بينكم مودة ورحمة ) طب فين الرحمة اللى بينكم



تعالو ننظر الى زواج السيدة فاطمة اللى قال عليها رسول الله سيدة نساء العالمين تزوجت بدرع كان أعطاة رسول الله لعلى رضى الله عنة



قصة زواجها يحكيها "على" رضى الله عنة هى:


قال أمير المؤمنين عليه السلام:«أردت أن أخطب الى النبي صلى الله عليه و آله فذكرت أنه لا شئ لى فقال:هل لك من شىء؟


فقلت:لا.


قال:أين درعك الحطمية التى أعطيتك يوم كذا و كذا؟

قلت:هى عندى.


و فى رواية

فقلت:يا رسول الله فاطمة تزوجنيها؟


فقال:يا على انه قد ذكرها قبلك رجال فذكرت ذلك لها فرأيت الكراهة في وجهها و لكن على رسلك حتى أخرج اليك.

فدخل عليها فقامت اليه فأخذت رداءه ونزعت نعليه وأتته بالوضواء فوضأته بيدها وغسلت رجليه ثم قعدت فقال لها:يا فاطمة.



فقالت:لبيك حاجتك يا رسول الله؟

قال:ان علي بن أبى طالب من قد عرفت قرابته و فضله و اسلامه وانى قد سألت ربى أن يزوجك خير خلقه وأحبهم اليه و قد ذكر من أمرك شيئا فما ترين؟


فسكتت و لم تول وجهها و لم ير فيه رسول الله صلى الله عليه و آله كراهة فقام و هو يقول :الله أكبر سكوتها اقرارها.


فأتاه جبرئيل عليه السلام فقال:يا محمد،زوجها علي بن أبي طالب،فان الله قد رضيها له و رضيه لها.


قال علي‏[عليه السلام‏]:فزوجني رسول الله صلى الله عليه و آله،ثم أتاني فأخذ بيدي فقال :قم،بسم الله و قل:على بركة الله،و ما شاء الله و لا قوة إلا بالله،توكلت على الله.



الرجوع الى أعلى الصفحة اذهب الى الأسفل
أهاات

avatar

عدد الرسائل : 164
نقاط : 303
تاريخ التسجيل : 29/08/2010

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    الأربعاء أكتوبر 20, 2010 10:59 pm





و قال رسول الله صلى الله عليه و آله:قم فبع الدرع،فقمت فبعته و أخذت الثمن

و دخلت على رسول الله صلى الله عليه و فجاء علي بالدراهم فصبها بين يدي رسول الله«ص»فأمر رسول الله«ص»

ان يجعل ثلثها في الطيب اهتماما بامر الطيبـ و ثلثها في الثياب و قبض قبضة كانت ثلاثة و ستين او ستة و ستين لمتاع البيت و دفع الباقي الى ام سلمة فقال ابقيه عندك،و ارسل ابا بكر

و قال ابتع لفاطمة ما يصلحها من ثياب و أثاث البيت و اردفه بعمار وعدة من اصحابه فكانوا يعرضون الشي‏ء على ابي بكر فان استصلحه اشتروه


فكان مما اشتروه قميص بسبعة دراهم و خمار باربعة دراهم و قطيفة سوداءخيبرية (و هي دثار له خمل)

و سرير مزمل (ملفوف) بشريط (خوص مفتول) و فراشان من خيش مصر (و هو مشاقة الكتان) حشو


احدهما ليف و حشو الآخر من صوف الغنم و اربع مرافق (متكآت) من ادم الطائف (و الأدم الجلد)


حشوها ادخر (نبات طيب الرائحة) و ستر رقيق من صوف و حصير هجري (معمول بهجر قرية بالبحرين)


و رحى لليد.و مخضب من نحاس (اناء لغسل الثياب) و سقاء من ادم (قربة صغيرة) و قعب (قدح من خشب) لللبن و شن للماء (قربة صغيره عتيقة لتبريد الماء)


و مطهرة اناء يتطهر به) مزفتة و جرة خضراء و كيزان خزف و نطع من أدم (بساط من جلد)

و عباءة قطوانية (و هي عباءة قصيرة الخمل معمولة بقطوان موضع بالكوفة) و قربة للماء.فلما وضع ذلك


بين يدي النبي«ص»جعل يقلبه بيده و يقول اللهم بارك لاهل البيت،


و في رواية انه بكى و قال اللهم بارك لقوم جل آنيتهم الخزف.و لم يكن بكاؤه أسفا على ما فاتهم من زخارف الدنيا الفانية و لكنها رقة طبيعية تعرض للوالد في مثل هذه الحال



وفى يوم العرس اذا انصرفت الشمس للغروب،قال رسول الله صلى الله عليه و آله:


يا ام سلمة،هلمي فاطمة،فانطلقت،فأتت بها و هي تسحب أذيالها،و قد تصببت عرقا حياء من رسول الله صلى الله عليه و آله،فعثرت فقال لها رسول الله صلى الله عليه و آله:أقالك الله العثرة في الدنيا و الآخرة.


فلما وقفت بين يديه كشف الرداء عن وجهها حتى رآها علي عليه السلام،ثم أخذ يدها فوضعها

في يد علي عليه السلام،فقال:بارك الله لك في ابنة رسول الله،يا علي،نعم الزوجة فاطمة،


و يا فاطمة،نعم البعل علي،انطلقا الى منزلكما،و لا تحدثا أمرا حتى آتيكما.


ثم أتى الله منزلهما وبارك لهما ودعا لهما

«قال علي عليه السلام:فأخذت بيد فاطمة،و انطلقت بها حتى جلست في جانب الصفة و جلست في


جانبها،و هي مطرقة الى الأرض حياء مني،و أنا مطرق الى الأرض حياء منها.

قال أمير المؤمنين عليه السلام:

«فو الله ما أغضبتها و لا أكرهتها على أمر حتى قبضها الله عز و جل اليه،و لا أغضبتني،و لا عصت لي أمرا،و لقد كنت أنظر اليها فتنكشف عني الهموم و الأحزان».


ممكن حد يقولى فين ذكر الألماظ و الأستايل فى قصة زواج بنت رسول الله


ويا له من شرف و يا لها من خلق و دين وحجات كتير لا توصف فى الزواج من بنت رسول الله (صلى الله عليه وسلم)


وفين ان الأب يتكلم عن كل فسفوسة يشتروها بالبيت ... طب لو أشترو كل حاجة..أمال حيكفحو مع بعض بعد الزواج فى أية


و الدنيا دى لازم يكون فيها أبتلاء ... فلو كل حاجة فى الفلوس كاملة و عندنا عربية تحفة اذن سيكون الأبتلاء فى الصحة مثلا أو فى الأولاد


فماذا تختارى





وخلاااااص خلص الموضوع اتمنى من كل قلبي انكم تسفيدوا من الموضوع ده



وتحيااااااتي للجميع




اختكم أهاات
الرجوع الى أعلى الصفحة اذهب الى الأسفل
أسامة عبد المحمود



عدد الرسائل : 23
نقاط : 47
تاريخ التسجيل : 14/09/2010

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    الأربعاء أكتوبر 20, 2010 11:50 pm

أولاً نشكرك على هذا الموضوع الطويل ذي طول مسلسل الفنانة الحلوة هند صبري في رمضان وأفكرك لو كل واحد بيفكر بالطريقة التي سلسلتي بها حديثك ما كان حد إتجوز وعلى أسوء الفروض كان كل المتجوزين فركشو كل الحكاية بسيطة جداً وما في أي تعقيدات والدتك أو أختك خطبت والجماعة وافقوا وإنت دفعت المهر والعروسة تلقاها معك وعينيك ما تشوف إلا النور وحتجوز وهههههههههههههه وحتجوز وهههههههههههههه
الرجوع الى أعلى الصفحة اذهب الى الأسفل
أهاات

avatar

عدد الرسائل : 164
نقاط : 303
تاريخ التسجيل : 29/08/2010

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    السبت أكتوبر 23, 2010 11:26 pm



شكرا يا اسامة على مرورك الاكثر من رائع

وبارك الله فيك

تحياتي وتقديري
الرجوع الى أعلى الصفحة اذهب الى الأسفل
زمان الصمت
المدير العام
المدير العام
avatar

عدد الرسائل : 214
نقاط : 198
تاريخ التسجيل : 22/11/2008

مُساهمةموضوع: رد: عاوز تتجوز..؟ أدخل اتعلم من أول طريق الخطوبة    الجمعة مارس 04, 2011 6:35 pm

الرجوع الى أعلى الصفحة اذهب الى الأسفل
http://zohoor.0forum.biz
 
عاوز تتجوز..؟ أدخل اتعلم من أول طريق الخطوبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زهرة السوسن  :: ازهار حواء التجميلية :- :: الأزياء والاناقة ( الرجالي)-
انتقل الى: